La cérémonie du cacho-fio

Table calendale Ecomusée du santons de Fontaine-de-Vaucluse

I’a quàuquis annado d’acò, moun grand s’amoussè au siéu d’uno longo malautié, coume se dis, enviróuta d’afecioun e de siuen.
Tres jour avans Nouvè cridè la famiho touto de veni pèr faire cacho-fiò. Sabe pas coume, mai, pau à cha pau, lis un après lis autre, se retroubarian au cabés dóu papet, e pamens, érian en pleno journado e forço travaiavon.

Mau-grat la doulour founso, cado fes qu’uno nouvello persouno intravo dins la chambro, fasié : « Ah ! Aaah ! Me sente miés ! Me sente miés ! Aaaah ! Aaaah !»

Ėro coume se cadun ié dounavo un pau de sa forço pèr ço que venié. Quouro fuguerian tóutis acampa, nous faguè :

«- Alor, tout lou mounde es aqui ? Tout lou mounde es aqui ?
- O. O, papet. Sian tóutis ensèn. Dequé vos ? Dequé vos, papet ?
- Dounas-me la coupo de vin cue. La vole !

Em’acò, sus soun lié de soufrènço, davans uno imaginàri regalido, faguè emé dificulta:

« Alègre ! Alègre ! Diéu nous alègre.
Emé Calèndo tout bèn vèn…
Diéu nous fague la gràci de vèire l’an que vèn, e se noun sian pas mai, que noun fuguen pas mens.
Cacho-fiò, bouto-fiò », diguè lou papet en se signant.

A-de-rèng beguerian lou vin cue dóu plus jouine au mai vièi : lou papet.
E quouro tout fuguè acaba, nous venguè :

« - Tout lou mounde a begu ? Tout lou mounde a begu?
- O. O, papet.
- Alor, isso! Isso! Es fini! Deforo ! Vous vole plus parla ! N’ai moun proun !»
E parlant soulet : « Fau parteja ! Fau parteja ! »
Lou sèr, rangoulejavo. L’endeman mouriguè en aguènt acaba soun darrié pres-fa.

Santon UGOLINI , son grand-père/ Arles 2008-2009

Il y a 10 ans maintenant que mon grand-père nous a quittés, 3 jours avant Noël, entouré de tous les siens qu'il avait fait demander. Je ne sais comment, mais petit à petit, la famille est accourue à son chevet et pourtant, nous étions en pleine journée et beaucoup d'entre-nous travaillaient.
Et bien, du plus profond de sa douleur, chaque fois qu'un membre de la famille pénétrait dans le salon où nous l'avions installé, il disait : ""AAaaH ! Aaaaah ! Je me sens mieux! "
C'était comme si chacun d'entre-nous lui donnait un peu de force pour ce qui allait suivre. Lorsque nous fûmes tous présent, il s'inquiéta:
-"Alors, ils sont tous là ? Dit, ils sont tous là?
- Oui, papet. Oui, Papet, on est tous là !"
Alors, à notre grande surprise, sur son lit de souffrance, il a béni le feu; Il a fait la cérémonie du cacho-fiò ! Lorsque nous avons tous bu le vin cuit, il s'est inquiété que nul n'y avait manqué puis:
"- Maintenant ça suffit! Je ne dirais plus rien! Ouste !!! Ouste !!! Sortez !"

En effet, il n'a plus rien dit et le lendemain matin, il nous quittait en ayant accompli sa dernière tâche !!

Crèche Haiti en féraille de bidon.Arles 2008-2009